Drucke des 16. Jahrhunderts (VD16) / Ein Newgeordent Künstlich Lau=||tenbuch/ Jn zwen theyl getheylt. Der erst für die anfahenden || Schuler/ die aus rechter kunst vnd grundt nach der Tabulatur/ [...]

jump to main content

Neusidler, Hans: Ein Newgeordent Künstlich Lau=||tenbuch/ Jn zwen theyl getheylt. Der erst für die anfahenden || Schuler/ die aus rechter kunst vnd grundt nach der Tabulatur/ [...]. Nürnberg : Petreius, Johann : Neusidler, Hans, 1536

Content

Die Erst Regel/ un[d] ist ein gering fundament der Lauten.
Die Ander Regel/ und ist ein ander art.
Nun volgt das erst fundament noch ein mal/ Im ersten ist nur begriffen/ wohin man greyffen sol/ aber im andern würt angezeygt/ welcher finger ubersich geth/ das weysen jm die einigen pünctlein aus/ nemlich/ uber welischem buchstaben oder ziffer ein püncktlein steth/ das man den selben buchstaben oder ziffer mit dem fordern finger in der rechetn hand ubersich schlag/ jr komen vil oder wenig/ das merck eben/ es ist vil un[d] offt angezeygt/ als da.
Nun volget ein anders fundament/ das vil kunstreycher/ ist/ aber ein wenig schwerer dann das erst.

Hie volgen ettliche Lieder auffs aller schlechtest/ wie es in Noten oder Gesang steht/ für die anfahenden Schuler.

Hie folgen noch mer ettlicher guter alter lieder/ die noch von menniglich am meysten/ vor den newen liedern gelobt und gerümpt werden/ Die hab ich darumb gesetzt/ das sie vorhin in vil landen weyt und preit erkannt/ und vil dester leichter zu lernen sind weder die unerkanten/ hab sie auch mit leuflein ein wenig scherpffer gemacht/ dann die vorigen/ dem schuler zu gut/ das einer die finger dester ehe abricht/ und inn geprauch pringt.

Mein einigs A. paus.

Hie nach folgen nun mer ettliche gute lieder/ und nur ein ausklaubter kern/ die sind mit dem einigen punctlein und creutzlein uberzogen und verzeichnet/ Da merck nun ein yeder schuler auff die Application/ wie jm vor die bezeichneten stucklein gelernt und angezeigt haben/ Muß er die selben griff mercken und sein im kopff behalten/ das er in den folgenden stuckhen mit den einigen puncktlein und creutzlein sich auch der selbigen griff geprauch/ das merck ein jeder schuler wol und eben.

Hie nach folgen nun die stuck mit drey stym[m]en/ und seind die ersten zehen stuck auch wider mit den puncktlein uberzogen und bezeichnet/ wie sie dann sein sollen/ und ist die gantz application darinn begriffen/ das sich ein yeder schuler desterleichtlicher uben kan.

Hie enden sich die zehen bezeichneten stuck/ mit den püncktlein/ als eins/ zwey/ drey und vier/ als da . .. ... ..../ und folgen andere zehen stuck hernach/ die sind mit dem einigen punctlein und Creutzlein bezeichnet/ Da merck nun ein yeder selbs auff sich/ wohin er greyggen soll/ und wie jm die puncktlein vorangezeigt haben/ soll er die selben griff fein mercken und im kopff behalten.

Hie folgen stuck/ die haben weder punctlein noch creutzlein/ Da sehe ein yeder eben auff/ welcher buchstab und ziffer ubersich gehe mit dem fordern finger.

Hie folgen etliche guter newer liedlein/ die erst newlich und gantz new gemacht/ und seind fein leycht und ring zu schlagen.

Hie folgen etlich Preameln.

Hie folget ein welscher tantz Wascha mesa.

Hie folget der recht artlich hofftantz im abzug.

Der ander theil des Lautenbuchs. Darin sind begriffen/ vil außerlesner kunstreycher stuck/ van Fantaseyen/ Preambeln/ Psalmen und Muteten/ die von den Hochberümbten und besten Organisten/ als einen schatz gehaletn/ die sein mit sonderm fleyß/ auff die Organistisch art gemacht und coloriert/ für die geübten unnd erfarnen diser kunst/ auff die Lauten dargeben. Dergleichen vormals nie im Truck/ aber yetzo durch mich Hansen Newsidler Lutinisten und Bürger zu Nürnberg/ offentlich außgangen.

Hie folgen etlich Trium/ die nit mit scharpffen laistlein colorirt sind/ sonder sie haben jr aigen coloratur selbs wie sie der Componist gemacht hat/ darumb hab ichs auch on coloratur bleiben lassen/ das sich die ungeübten auch der stuck und des Buchs geprauchen mögen.

Hie folgen etliche gute psalmen mit vier stim[m]en/ Sie erzeigen sich aber nur mit zwey un[d] dreyen stim[m]en/ d[a]z macht ihr grosse kunst/ un[d] die schönen fug die darin sind.

Volgent etliche liedlein/ die besten und fürnemsten/ so am meisten im prauch sind/ und am liebsten gehört werden/ Und die sind sonderm fleis und schönen laiffen colorirt.